Ya Imani Iiokoayo

Neema ya imani, ambayo kwayo wateule huwezeshwa kuamini kwa ajili ya wokovu wa nafsi zao, ni kazi ya Roho wa Kristo mioyoni mwao; na kwa kawaida hutendwa kwa huduma ya Neno: ambayo kwayo pia, na kwa usimamizi wa sakramenti, na sala, huongezeka na kuimarishwa.

Kwa imani hii, Mkristo huamini kuwa kweli chochote kilichofunuliwa katika Neno, kwa sababu ya mamlaka ya Mungu mwenyewe anayesema humo; na hutenda kwa namna tofauti, kulingana na kile ambacho kila kifungu mahususi kina; akitoa utii kwa amri, akitetemeka kwa vitisho, na akizikumbatia ahadi za Mungu kwa maisha haya, na yale yatakayokuja. Lakini matendo makuu ya imani ya wokovu ni kukubali, kupokea, na kumtegemea Kristo peke yake kwa ajili ya kuhesabiwa haki, kutakaswa, na uzima wa milele, kwa uwezo wa agano la neema.

Imani hii ina tofauti za kiwango, dhaifu au yenye nguvu; inaweza mara nyingi na kwa njia nyingi kushambuliwa na kudhoofishwa, lakini hupata ushindi; ikikua kwa wengi hadi kufikia hakika kamili kupitia Kristo, ambaye ndiye mwanzilishi na mkamilishaji wa imani yetu.